ANSONBEAN先在銅鑼灣拍攝,吸引粉絲們與數十市民圍觀,能夠看到ANSONBEAN現場跳舞,跳得大汗疊細汗,除下外套時有人更驚呼:「好大隻!」ANSONBEAN說:「今次在鬧市取景,好似和大家一齊互動、一齊玩,大家睇得好開心,我都覺得好開心。」其實今次拍攝的概念源自ANSONBEAN最近愛上自導自演功夫短片,他笑說:「目前為止拍了7條,好多人問為何在街上拍,因為無錢租場,哈哈!其實因為成日都即興,又想用最低成本做到最想做的事情,大家又睇得開心,都好多人因為睇了我的片,知道我喜歡武術。」他續說:「所以今次新歌dance version都用這個模式,希望可以將香港不同地方呈現在裏面。」
文匯報