日前有網友在入境處見到一名燥底阿叔,情緒失控狂鬧手抱女兒嘅內地老婆,男人主要係不滿老婆唔識教女。

阿叔當眾咁鬧法令太太非常難堪,扁曬嘴、眼窩發紅,女兒也放聲嚎哭。

多名路人睇唔過眼上前勸阻,但男人粗口回敬不斷說:「唔關你事,辦你嘅證件啦! 」又強調自己唔係鬧小朋友,係鬧大人唔識教。

期間入境處職員熱心慰問嗰位太太,以及了解嗰位阿叔有冇嘢可以幫手,但阿叔唔領情仲反問:「你係保安?」…「你係入境處,唔係黑警」。

一名操普通話嘅女士更因此與阿叔嘈起上來,阿叔話對方用大陸方法教細路,嗰個女士反問:「香港方法就係大吼大叫?」窒到阿叔無聲出,佢太太多次想拉住佢走,都被佢揮走隻手。

何伯何太只係其中一種跨境婚姻嘅形態,更多時係男尊女卑,女人忍氣吞聲。

(來源:港時港事fb專頁)

責任編輯: 木羽