◆完成拍攝工作後,Mandy完全冇詐型。

香港文匯報訊(記者 梁靜儀)無綫劇《隱門》再有童星彈出,得悉父親死訊淚盈於睫的黃智雯(Mandy)囡囡楊可瑩喊戲贏正評,黃智雯12度低溫拍落水戲不忘兼顧儀態 ,素顏獲讚天然美女 。

《隱門》前晚(5日)一集劇情主要圍繞楊忻曉Madam Yeung(湯洛雯 飾)着手調查「衰老公」阿Mike死因,其間揭出阿Mike臨死前將買給心月(黃智雯 飾)的人壽保險,由1,500萬臨時加碼至3,000萬;由於事情太巧合,令Madam Yeung矛頭直指心月及葉嘯天(吳岱融 飾)。昨晚亮點,是飾演Mandy女兒晴晴的楊可瑩,雖然被氧氣罩遮住了大半塊臉,但當得悉爸爸離世後,仍可憑一雙眼睛清楚表達出失去父親的傷痛,眼淚亦流得自然。Mandy受訪時亦大讚「阿囡」:「佢啲眼淚話嚟就嚟,唔需要醞釀,小朋友嘅情感永遠就係最單純、最真摯。」

阿Mike浸死真相成本周劇情關鍵,拍攝該場重頭戲當日氣溫只有12—13度,身穿短衫短褲的「衰老公」黃子恆為配合劇情,仍需不斷上完水再落水,與子恆「有難同當」的Mandy,正式落水前還要遭劇組額外「淋水」加工,凍得Mandy「慘叫連連」。對於Mandy素顏落水,網民大讚她是「天然美女」。

另外,劇集播出後被指演出似「師奶」多過似Madam的湯洛雯(靚湯),在社交網以正面態度回應負評:「虛心接受批評,才能進步。」