◆張繼聰密鑼緊鼓為個唱綵排。

香港文匯報訊(記者 阿祖)張繼聰《Welcome to route 37》演唱會將於12月1日假麥花臣場館舉行,近日張繼聰密鑼緊鼓為個唱綵排。他表示演唱會雖然押後舉行,但反而令他有更多時間去準備,希望大家會覺得門票超值。演出逼近,阿聰表示並不緊張:「因為上次的小小意外,反而多了時間去練歌,而且聽返之前綵排的聲帶,檢討自己怎樣可以唱得好些,加上我這種限量型的歌手,真的不知幾時會再搞騷,所以令每張門票更顯珍貴,現在是好享受,一點都不緊張,但臨上台就不知道了。」

張繼聰亦表示不少圈中朋友均想來支持,搞到自己一身飛債:「圈中朋友都是攞飛比較多,不過都是支持!因為我歌影視都有涉足,太多人要飛,搞到主辦方要用『五餅二魚』方式搵門票畀我。各式各樣的男神、女神都會來捧場,因為我想焦點落在我自己身上不想同人分享,所以會用鐵鏈鎖住他們,不給他們上台。」

不過阿聰指太太和仔女會捧場支持,但他擔心囡囡會忍不住眼瞓:「其實囡囡未睇過我做騷,希望她會享受,因為小朋友是否鍾意會好直接,我怕她扭眼瞓就弊喇。不過如果她睇得興奮撐足全場,第二日都要準時起身返學,不想影響學業!」他亦表示今次個唱不會騷肌肉,揚言叫樂迷留意歌衫:「有一條百幾年的古董銀器,仲猛過那些百幾萬首飾啦!我想大家入場好似萬聖節般着古裝、穿唐裝都不怕。而剛剛我有另一架70年電單車已辦妥手續,這次都會展出給大家欣賞,大家睇好喇不好用手摸!」