香港文匯報訊（記者 梁靜儀）鄭伊健（暱稱伊麵）親跑港九五區力谷《深宵閃避球》，一拖十謝票超興奮，呼籲觀眾支持新導演新演員。而今次伊麵改拍喜劇，觀眾亦十分受落，鼓勵他要多拍喜劇。

由新晉導演應智贇自編自導，鄭伊健、周家怡主演的，號稱香港史上最揸流攤運動喜劇《深宵閃避球》，將於10月6日正式上映，前（24日）晚影片上映優先場，伊麵率領家怡、導演及有份演出的李靖筠、陳海寧、鍾雪瑩、雲浩影、黃淑蔓等一行11人，走訪港九新界多間戲院親身答謝觀眾，盡顯上下一心的體育精神。

伊麵、家怡更在入場前驚喜簽海報送給粉絲，當伊麵甫出場，已被粉絲大叫《深》片中熱血教練的名字「劉Sir」，肉緊電影口碑的伊麵則馬上問觀眾：「我哋最緊張就係想聽到大家嘅反應，鍾唔鍾意呢部戲先？」；粉絲們即熱烈歡呼「劉Sir好靚仔！拍多啲喜劇！」更有首日已經二刷的粉絲以電影中對白回應：「喺邊度跌低，就要喺邊度再跌低！」伊麵更對此熱情回應：「做人就係咁㗎啦！」希望大家抱着電影的精神，人生中遇到困難與失望，更要用心走出自己的路！

周家怡預告續抽時間謝票

謝票時被問到《深》片對眾人的意義，伊麵坦言比起自己，更希望大家留意到一眾電影生力軍。女主角家怡亦如片中「楊姑」一角充滿愛，對新演員們讚不絕口：「其實粉青隊八個女仔都好勤力又好乖，大家唔好畀佢哋電影入面百厭嘅一面嚇親！至於有冇人係本色演出就要靠大家自己發掘啦，哈！哈！」而家怡亦預告將繼續抽出時間四出謝票。