馬國明與湯洛雯（靚湯）情侶檔亮相節目巡禮，全程表現得好「煙韌」。見靚湯清減了不少，馬國明代答：「健康最緊要，瘦不是一定靚，現在健康就最靚囉！她好論盡，昨晚又整親。」靚湯為自己解釋：「係呀！昨日我跌落幾級樓梯，隻腳損晒，但他就不在我身邊，媽咪致電給他，叫他睇住我，但當時他正開工。」

馬國明表示自己參與《隱形戰隊》的演出，當中不乏動作戲，故也拍到周身瘀傷。取笑他倆可以互捽藥酒，靚湯笑說：「又不用，但我有幫他穴位按摩。」馬國明帶笑說：「我會扶住她行，好似有咗（指懷孕）咁 !」靚湯即開口更正：「好似扶住老人家行咁！」問到靚湯媽咪有否為此催婚，馬明說：「不關事，我又要開工，都不知怎看實她！」靚湯發嬌嗔：「放棄我啦！」不過靚湯開心男友讚她新髮型又靚又年輕，馬明竟說：「襯返她的智商，她好細路女，好少事就會好開心，我媽咪都是這樣！」靚湯也讚未來奶奶容易相處，會否已當她是新抱仔？靚湯甜笑指着馬明：「問他吧！」